असोज महिना लागिसकेको छ । चाडपर्वले झप्प घेरिसकेके छ । हरेक
साझबिहान चिसो बढ्दै गइरहेको छ । हावाले धानको बाला झुलाउँदैछ । बारीमा कोदो फुल्न
थाल्दैछ ।
हर्केको ढाकरको खकन र तक्मा मधेस
झर्न कसिदै छ । काक्रा, स्कुस, सुन्तला, कागित बिक्रि गरि दशैंको खिर्चिमिर्चि
सामान बोकेर पहाड उक्लने पहाडबासी भरीयाहरूको संख्या बाक्लो देख्न थालिएको छ ।
सानीले भत्किएको टाटि टालटुल पार्दैछिन् । तल्लो गाउँको धनबहादुर जमिन्दारकहाँ ऋण
सापटि माग्ने आसामीहरू बढ्दैछन् । घैंटे र सुन्तलीको छोराछोरीले नयाँ नाना लगाउने
जिद्दि गर्दैछन् । बिदेश गाको छोरा सम्झि बिर्खे बा बेला बेलामा भक्कानु छाड्दैछन्
। लाहुर गएको रामेलाइ सम्झि चमेली पनि दोबाटोको पँधेरीमा आँखा तेर्साइरहेकि छिन् ।
ओझेलमा पर्दै गएको मालश्री धुन र सवलाको ताल गाउँबुढाको रेडियोमा घन्किन थालेको छ
। किनकि दशैं आयो..........
नेपालीहरूको महान चाड बिजया दशमी,
दिपावली र छठ पर्वको उपलक्ष्यमा देश तथा बिदेशमा रहनु भएका सम्पूर्ण नेपालीहरूमा
उत्तरोत्तर प्रगति साथै सुख, शान्ति एवं सम्वृद्दिको हार्दिक मंगलमय शुभ कामना ।